Toshkent viloyatida 41 yoshli erkak 4 yoshli qizni zoʻrlamoqchi boʻldi

Qayd etilishicha, yuqoridagi holat boʻyicha joriy yilning 2 oktabr kuni Yangiyoʻl tumani IIBga murojaat kelib tushgan. Arizada fuqaro 2020 yilda tugʻilgan farzandiga nomaʼlum erkak tomonidan zoʻravonlik qilinganini bildirgan. 

Mazkur holat tekshirilganda yosh qizga tejogʻlik qilishda gumonlanayotgan shaxs 1983 yilda tugʻilgan, Yangiyoʻl tumanida istiqomat qiluvchi fuqaro ekani aniqlangan. Shuningdek, oʻrganishlar jarayonida gumonlanuvchining yonidan 15 gramm giyohvandlik moddasi ham chiqqan. 

IIB xodimlari tomonidan mazkur fuqaroning xonadoni tekshirilganda oshxonasidan 20 dan ortiq yelim idishlarda maydalangan va quruq holdagi "Marixuana" giyohvandlik moddalari borligi ham aniqlangan va protsessual tartibda hujjatlashtirilib olingan.

"Holat yuzasidan fuqaro Oʻzbekiston Respublikasi Jinoyat kodeksining 119-moddasi 4-qismi va 25/273-moddasining 5-qismi bilan jinoyat ishi qoʻzgʻatilib, protsessual tartibida ushlandi. Unga nisbatan jinoyat ishi boʻyicha dastlabki tergov harakatlari olib borilmoqda, natijasi boʻyicha qoʻshimcha ravishda axborot berilishi taʼminlanadi", deyiladi xabarda.

Biroq axborot xizmati rahbari tomonidan yozilgan postda yuqorida qayd etilgan 4 yoshli qizga nisbatan haqiqatdan ham zoʻravonlik boʻlgani toʻgʻrisida qoʻshimcha maʼlumot berilmagan. 

Eslatib oʻtamiz, avvalroq Toshkentda 60 yoshli shaxs voyaga yetmagan qizga tegajaklik qilgani uchun 3 sutka qamoq jazosi belgilangandi.