Тошкент ҳавоси нега ифлосланиб кетди?

Экология вазирлигига кўра, Тошкентда ҳаво ифлосланиши аҳолининг кундалик ҳаётига кучли таъсир қилмоқда, Кўчаларда кўриш қобилияти пасайиб, кўплаб фуқаролар ниқоб ва ёки респираторлардан фойдаланишга мажбур бўлмоқда.

Мутахассислар деразаларни ёпиб, имкони борича ташқарида камроқ бўлишни тавсия қилмоқда. Ушбу огоҳлантиришлар аҳоли асраб қолишда муҳим аҳамият касб этмоқда.

Прогнозларга кўра, шамолли об-ҳаво ҳафта давомида сақланиб қолади. Тошкент билан бир қаторда Қорақалпоғистон, Хоразм, Навоий, Бухоро, Самарқанд ва Жиззах вилоятлари ҳам чанг-тўзонлардан кўпроқ зарар кўриши мумкин. Ғарбдан эсаётган 15–20 м/с тезликдаги шамоллар қум ва чангни атмосферага кўтариб, ҳавонинг ифлосланишини янада кучайтиради.

Ўзбекистонда чанг ва қум бўронлари табиий ва инсон фаолияти омилларининг биргаликдаги натижаси ҳисобланади. Айниқса Тошкентда кузатилган вазият бизни жиддий чоралар кўришга чорламоқда. Агар барқарор ечимлар тезда амалга оширилмаса, бундай ҳаво ҳолатлари нафақат саломатлик, балки бутун иқтисодиёт ва келажак учун катта хавфга айланиши мумкин.