Ўзбекистонда исломий банклар фаолиятини бошлайди

2026 йил 27 март куни имзоланган ушбу қонунга мувофиқ, Солиқ ва Фуқаролик кодекслари ҳамда яна 7 та қонунга ўзгартириш ва қўшимчалар киритилди.

Янги тартибларга кўра:
— қонунчиликка исломий банк фаолияти, исломий молия операциялари, исломий молия стандартлари ҳамда инвестициявий омонат (депозит) тушунчалари киритилди;
— исломий банк фаолияти учун алоҳида лицензия жорий қилиниб, уни олиш тартиби аниқ белгилаб берилди;
— исломий молия операцияларининг расмий рўйхати тасдиқланди;
— исломий банкларга савдо фаолияти билан шуғулланиш, юридик шахслар ташкил этиш ва акция/улушларни чекловларсиз сотиб олиш ҳуқуқи берилди;
— Марказий банк ва тижорат банкларида исломий молия кенгашлари ташкил этилиши белгиланди.

Шунингдек, қонунда исломий молия операцияларига солиқ солишнинг ўзига хос жиҳатлари ҳам назарда тутилган.

Мазкур қонун расмий эълон қилинган кундан бошлаб 3 ойдан сўнг кучга киради.