updated: 22.03.2026, 10:40

Жорий йилда Омбудсманга ҳуқуқни муҳофаза қилувчи ходимлар устидан қанча шикоят тушгани айтилди

Жорий йилнинг 10 ойида ҳуқуқни муҳофаза қилувчи органлар ходимлари томонидан ҳаракатланиш эркинлиги чекланган шахслар сақланадиган жойларда сақланаётган шахсларга нисбатан руҳий, психологик, жисмоний ёки бошқача тарзда босим ўтказилганлиги юзасидан 158 та шикоят келиб тушгани маълум бўлди. Бу ҳақда Олий Мажлиснинг Инсон ҳуқуқлари бўйича вакили — Омбудсман ахборот хизмати раҳбари Фотима Мадраҳимова маълум қиди.

Ўзбекистон

05.12.2024, 14:37

Lotinchada

Улашиш:

Joriy yilda Ombudsmanga huquqni muhofaza qiluvchi xodimlar ustidan qancha shikoyat tushgani aytildi

Қайд этилишича, шикоятларнинг 14 таси юзасидан жиноят иши қўзғатишни рад қилиш ҳақида қабул қилинган қарорлар Омбудсманнинг мурожаатига асосан юқори турувчи прокурорлар томонидан бекор қилиниб, қўшимча терговга қадар текширув ҳаракатлари ўтказилиши белгиланган.

52 таси эса ўтказилган хизмат текширувлари ҳамда прокуратура органлари томонидан олиб борилган терговга қадар текширув якунларига кўра ўз тасдиғини топмаган. Ҳозирда эса 62 та шикоят юзасидан терговга қадар текширув ҳаракатлари давом этмоқда.

Шунингдек, шикоятларни кўриб чиқиш натижасида 10 нафар ходимга нисбатан интизомий таъсир чораси қўлланилган. 3 та ҳолатда ходимларга нисбатан Жиноят кодексининг тегишли моддалари билан жиноят иши қўзғатилган.

Маълумот учун, 2024 йилнинг 10 ойида Омбудсман ва Жамоатчилик гуруҳлари томонидан ҳаракатланиш эркинлиги чекланган шахслар сақланадиган жойларга 774 маротаба мониторинг амалга оширилган. 2023 йилнинг 10 ойида ушбу кўрсаткич 468 тани ташкил этган эди.

Ўзбекистон

05.12.2024, 14:37

Улашиш:

#Омбудсман

мавзуга оид янгиликлар