Жаҳон банки Ўзбекистонда электр тармоқларини модернизация қилиш учун 100 млн АҚШ доллар кредит ажратди

Маълум бўлишича, дастурни амалга ошириш учун "Ҳудудий электр тармоқлари" АЖ (ҲЕТ АЖ) ўз ҳисобидан қўшимча 50 миллион АҚШ  доллар ажратади.  

Жаҳон банкига кўра, Ўзбекистоннинг энергетика сектори катта тижорат йўқотишлари, шу жумладан кўрсатилган хизматлар учун қарзлар туфайли норентабел бўлиб қолмоқда. Бу давлат бюджетига жиддий босим ўтказмоқда. 

Молиявий барқарорликни ошириш учун тақсимот тизимининг операцион ва молиявий моделлари ислоҳ қилинмоқда. Бундан мақсад – рентабелликни ошириш ва энергия тармоқлари инфратузилмасини ривожлантиришга хусусий инвестицияларни жалб қилиш.

"Жаҳон банки томонидан тақдим этилаётган молиялаштириш 2030 йилгача Ўзбекистоннинг тақсимлаш инфратузилмасини модернизация қилиш ва кенгайтириш бўйича давлат дастурини амалга оширишга ҳисса қўшиш имконини беради. Ҳисоб-китобларга кўра, давлат дастури доирасида жалб этилиши лозим бўлган инвестицияларнинг умумий ҳажми қарийб 3 миллиард долларни ташкил этади.

 Умид қиламизки, мамлакатнинг бошқа халқаро ҳамкорлари ва хусусий инвесторлар ҳам биздан ўрнак олиб, “Ҳудудий электр тармоқлари” АЖнинг энергетика тармоғини ривожлантириш борасидаги саъй-ҳаракатларини қўллаб-қувватлайдилар", деган Жаҳон банкининг Марказий Осиё бўйича директори Татяна Проскурякова.

Жаҳон банки ва "Ҳудудий тармоқлар" АЖ биргаликда 150 миллион АҚШ долларлик дастур доирасида қуйидаги ишлабажарилишиҳи керак: 

— 6 000 км узунликдаги паст кучланишли электр узатиш тармоқларини қуриш ва модернизация қилиш; 

— умумий қуввати 250 мегаволт-ампер (МВА) бўлган 1 200 та тақсимлаш трансформаторини алмаштириш ва ўрнатиш; 

— "ҲЕТ" АЖ тармоқларида электр энергиясининг тижорат йўқотишларини камайтиришга ёрдам берадиган 150 000 та “ақлли” ҳисоблагичларни улаш; 

— тақсимлаш тармоқлари фаолиятини автоматлаштириш ва рақамлаштиришни таъминлаш учун 4 000 та маълумотлар концентраторини ўрнатиш, бу уларни замонавий ва самарали тизимга айлантиради.