Trampning yuziga “tarsaki” tushirgan mulozim ishdan boʻshadi

Tahlilchilar bu holatni Trampning yuziga tushirilgan “maʼnaviy tarsaki” sifatida baholamoqda.

Jo Kent isteʼfo maktubida: “Vijdonim Eronda davom etayotgan urushni qoʻllab-quvvatlashga izn bermayapti. Eron bizning mamlakatga bevosita tahdid qilmagan va biz bu urushni Isroil bosimi va Amerikadagi kuchli lobbisi taʼsirida boshladik”, – degan.

Maʼlum qilinishicha, Jo Kent Trampning birinchi prezidentlik davridagi tashqi siyosatini dastaklagan, ammo 2025 yil iyun oyida Yaqin Sharqdagi urush AQShning farovonligiga tahdid ekanini tushunib yetgan. U oʻz bayonotida AQSh va Isroilning dezinformatsiya kampaniyasi natijasida Eronga qarshi urush olovini yoqish xatoligi sodir boʻlganini ham taʼkidlagan.

45 yoshli Jo Kent josuslik xizmati veterani boʻlib, 11 marta jangovar harakatlarda ishtirok etgan. Uning rafiqasi – AQSh harbiy-dengiz kuchlari kriptologi Shennon Kent, 2019 yilda Isroil provokatsiyasi bilan boshlangan urushda halok boʻlgan.

Trampning oʻz bayonotida Kentni “yaxshi yigit” deb taʼriflagan, ammo “xavfsizlik bobida kuchsiz”ligini qayd etgan. Tahlilchilar fikricha, Kentning ochiq tanqiddan keyin isteʼfosi Oq uydagi chuqur boʻlinishni koʻrsatadi.

Bundan avval ham AQShda harbiy-siyosiy qarorlarga norozilik ifodasi sifatida yuqori martabali mulozimlar isteʼfoga chiqqan edi.