Norvegiya monarxiyani saqlab qoldi

Rasmiy maʼlumotlarga koʻra, 169 nafar deputatdan 141 nafari monarxiyani qoldirish uchun ovoz bergan, 26 nafari esa respublikaga oʻtishni qoʻllab-quvvatlagan.

Monarxiya tarafdorlari qirollik mamlakat barqarorligiga xizmat qilayotganini aytadi. Ularga koʻra, qirollik siyosatdan xoli boʻlib, Norvegiyada 1905 yildan beri saqlanib kelmoqda. Respublika tarafdorlari esa hokimiyat saylangan parlament qoʻlida boʻlishi kerakligini taʼkidlaydi.

Shu kuni Osloda kronprinsessa Mette-Maritning oʻgʻli Marius Borg Xyoybiga nisbatan sud jarayoni boshlandi. U bir qator jinoyatlarda, jumladan zoʻrlashda ayblanmoqda. Ayblovlarning bir qismi boʻyicha u oʻz aybini tan olmadi.

Marius Borg Xyoybi qirollik unvoniga ega emas va taxtga daʼvogar hisoblanmaydi. Unga 10 yilgacha qamoq jazosi tayinlanishi mumkin.

Soʻnggi soʻrovlarga koʻra, kronprinsessaga boʻlgan jamoatchilik ishonchi ham kamaygan.