Тошкент ва Наманган осмонида номаълум ёрқин жисм кузатилди

Наманган вилояти ва Тошкент шаҳри осмонида номаълум ёрқин жисм ҳаракати қайд этилди. Гувоҳлар Наманганда кучли шовқин ва ер силкинишга ўхшаш ҳолат сезилганини, Тошкентда эса жисмнинг ҳаракати видеога тушиб, ижтимоий тармоқларда тарқалганини билдирган. Айрим фуқаролар осмондaги чақнаш ва қора тутун бир муддат сақланиб турганини айтишди.

Ўзбекистон Фанлар академияси Астрономия институти мутахассислари ҳолат юзасидан дастлабки ўрганиш ишларини олиб бормоқда. Ҳозирги вақтда бу ҳодиса метеорит тушиши ёки бошқа табиий ёки техноген манба билан боғлиқлиги расман тасдиқланмаган. Ер юзасига тушган қолдиқлар аниқланмаган бўлса, аниқ хулоса бериш имконсиз.

Маълумот учун: метеоритлар Қуёш тизимида ҳаракатланувчи кичик қаттиқ жисмлар бўлиб, улар атмосфера орқали ўтганда ёрқин из қолдиради ва бу ҳодиса метеор деб аталади. Агар жисмлар атмосферада тўлиқ ёнмай, ер юзасига етиб келса, у метеорит ҳисобланади.

Ҳозирда ҳолат юзасидан дастлабки ўрганиш ишлари олиб борилмоқда. Қўшимча маълумотлар аниқланганда расман эълон қилинади.