Лавров: АҚШ ва Исроил Араб давлатларини Эронга қарши қўйишга уринмоқда

У бу фикрларни Россия Халқаро ишлар кенгаши йиғилишида билдирди. Лавров дунё ҳозир глобал сиёсий тартибнинг ўзгариш босқичида эканини таъкидлаб, айрим давлатлар бошқаларнинг ҳудудий яхлитлигига даъво қилаётганини қайд этди.

Унинг сўзларига кўра:
— Форс кўрфазидаги вазият кенг миқёсли можарога айланиш аломатларини кўрсатмоқда;
— Россия дипломатик йўллар орқали томонларни музокараларга қайтаришга тайёр;
— фуқаролар ва инфратузилмага қарши ҳар қандай қурол ишлатилиши қабул қилинмайди.

Ҳозирда АҚШ ва Исроил биргаликда ҳарбий ҳаракатлар олиб бормоқда. Теҳрон эса ракета ва дронлар орқали жавоб зарбаларини амалга оширмоқда.

Ҳормуз бўғозининг қисман ёпилиши халқаро нефть етказиб бериш ҳажмига таъсир кўрсатиб, минтақада иқтисодий ва энергетика хавфини оширди.