Чирчиқда сиам эгизаклари ноёб операция орқали ажратиб олинди

Ҳомиладорликнинг 33–34 ҳафталигида кесарча кесиш орқали муддатидан аввал туғилган сиам эгизаклар туғуруқдан 9 соат ўтгач, шошилинч равишда ва маҳаллий шароитда ўта мураккаб операция орқали ажратиб олинди.

Операция беш соат давом этган.

«Бу — ўта ноёб операция. Муддатидан аввал туғилган сиам эгизакларни шошилинч равишда ва вилоят даражасида муваффақиятли ажратиб олиниши — мамлакатимиз тиббиёти янги босқичга кўтарилганидан далолат беради», — деди Соғлиқни сақлаш вазири Асилбек Худаяров.

Вазир операцияда иштирок этган бир гуруҳ мутахассисларни “Ўзбекистон Республикаси соғлиқни сақлаш аълочиси” кўкрак нишони билан тақдирлади.

Айни вақтда жажжи беморларнинг саломатлиги яхши, уларнинг онасига эса бугун шифохонадан уйига жавоб берилди.