Ўзбекистон Россиядаги мигрантларнинг ҳуқуқлари бузилганлиги юзасидан Федерация Ташқи ишлар вазирлигига нота юборди

Жорий йилнинг 10 июнь куни Ўзбекистон Ташқи ишлар вазирлигида Россия томони билан навбатдаги миграция масалалари бўйича учрашув бўлиб ўтди.  

Учрашувда Россиядаги Ўзбекистон фуқароларига нисбатан рухсатсиз текширувлар, ҳурматсизлик ва қўпол муаммоларлар кузатилаётган тўғрисида хабарлар ташвиш уйғотаётганини ҳақида сўз очилган.

Вазирлик  Федерация ҳудудида Ўзбекистонлик меҳнат муҳожирларига қилинаётган муносабат икки мамлакатнинг дўстона муносабатларига асло тўғри келмаслиги, бундай ҳолатларнинг олдини олиш учун аниқ чора-тадбирлар зарур эканлигини таъкидлади.

"Ўзбекистон Республикаси хорижда яшаётган ва вақтинча бўлиб турган фуқароларининг ҳуқуқ ва манфаатларини ҳимоя қилишни ўзининг устувор вазифаси деб билади.

Ушбу масала юзасидан Ўзбекистоннинг Москва шаҳридаги элчихонаси томонидан ҳам Россия томони билан тегишли дипломатик каналлар орқали мулоқот олиб борилмоқда", дейилади вазирлик хабарида.

ТИВ Россия Федерациясининг тегишли идораларини Ўзбекистон фуқароларига нисбатан ҳурмат билан муносабатда бўлиш, уларнинг шаъни ва қадр-қимматини камситмасликка чақирди.

"Москвадаги ҳолат юзасидан Россия Ташқи ишлар вазирлигига Элчихонамиз томонидан нота юборилиб, Россия ТИВдан ушбу ҳолатга изоҳ бериш ҳамда инсон ҳуқуқлари яққол бузилганлиги акс этганлиги, бу эса қабул қилиб бўлмас ҳолатлиги таъкидланиб, куч ишлатар ташкилот вакилларининг ҳаракатларига ҳуқуқий баҳо бериш сўралган.

Ўзбекистон Республикаси Ташқи ишлар вазирлиги ушбу масалани ўзининг доимий назоратида ушлаб туради ва керакли ҳолларда қўшимча чоралар кўришни давом эттиради", дейилади вазирлик хабарда.