Яна бир ўзбекистонлик йигит Россиядаги урушга бориб, Украинада асирга тушди

Йигитнинг сўзларига кўра, у Россия армияси сафида қатнашиш шартномасини мажбурий равишда имзолаган. Федерация полицияси уни гиёҳванд моддалар билан алоқадорликда айблаб, 12-18 йилгача қамаб юбориш билан қўрқитган. Унинг олдида эса иккита йўл — ё қамоқ, ёки фронт.

Бухорлик йигит фронтга етиб келиши билан Украинанинг ҳарбий дронлари уни аниқлаган. У дарҳол қуролсиз ҳолатда таслим бўлган. Россия армиясидаги шароитлар ҳақида гапирар экан, у алоқа воситалари ва ҳарбий жиҳозларни ўз ҳисобидан сотиб олгани, армияда тартибсизлик ва алдов ҳукмронлигини билдирган.

Аввалроқ Uzdiplomat.uz нашри билан гаплашган фронтдаги ўзбекистонлик аскар у ерда ўзбекистонлик аскарлар кўплигини айтган.

Унинг сўзларига кўра, улар мамлакатга қайтиш учун Ўзбекистоннинг Россия Федерациясидаги элчихонасига мурожаат қилган бироқ улардан ҳеч қандай жавоб бўлмаган.