updated: 22.03.2026, 18:02

ССВ электрон рецепт тизимини босқичма-босқич жорий этади

Дастлабки босқичда антибиотиклар, синтетик антибактериал препаратлар ва гормонал дори воситалари учун электрон рецепт мажбурий этиб белгиланади. Шу билан бирга, тизим тўлиқ жорий этилгунга қадар дорихоналарда қоғоз рецептлар асосида дори сотишга вақтинча рухсат берилади.

Ўзбекистон

15.12.2025, 11:31

Lotinchada На русском языке In English

Улашиш:

ССВ электрон рецепт тизимини босқичма-босқич жорий этади

Фото: Ситуативное

Соғлиқни сақлаш вазири Асилбек Худаяровнинг электрон рецепт тизимини жорий этиш тартибини белгилаш тўғрисидаги буйруғи қабул қилинди. Бу ҳақда ССВ матбуот хизмати хабар берди.

Маълум қилинишича, ҳужжат тиббиёт мутахассислари ва экспертлар билан муҳокамалар, шунингдек, давлат ва хусусий клиникалар ходимларининг таклифлари асосида ишлаб чиқилган. Янги тизимга ўтиш босқичма-босқич амалга оширилади.

Электрон рецептлар фақат шифокорлар томонидан расмийлаштирилади. Дорихоналарда дори воситалари электрон рецепт, QR-код ёки беморнинг ЖШШИРи орқали берилади. Зарур ҳолларда фармацевтлар шифокор кўрсатмаси асосида маълумотларни электрон тизимга киритишлари мумкин.

Тизим Тошкент шаҳри ва 15 та тажриба-синов туман ва шаҳарларда жорий этилади. Шунингдек, тиббиёт ва фармацевтика ташкилотлари техник имкониятлар мавжуд бўлган тақдирда DMED ахборот тизимига бепул уланади.

Фуқаролар учун электрон рецепт тизими бўйича саволларга жавоб бериш мақсадида 24 соат ишлайдиган 1003 call-маркази фаолияти йўлга қўйилди. Ётоқ режимидаги ва сурункали касалликларга чалинган беморлар электрон рецепт олиш учун телефон орқали оилавий шифокорига мурожаат қилишлари мумкин.

ССВ қайд этишича, электрон рецепт тизими дори тайинлашда хавфсизликни ошириш, масъулиятни кучайтириш ва дори воситалари айланмасини тартибга солишга қаратилган. Тизим фуқаролар ва тиббиёт ходимларининг фикр-мулоҳазаларини инобатга олган ҳолда такомиллаштириб борилади.

Ўзбекистон

15.12.2025, 11:31

Улашиш:

#дори воситалари #рецепт

машҳур янгиликлар