Xayr, Honda Crider? Kam litrajli avtomobillar uchun bojlar oshdi

Imtiyozli bojlar qanday edi?

Eslatib oʻtamiz, 2023 yil 17 iyuldan boshlab ishlab chiqarilganiga 1 yildan oshmagan yangi yengil avtomobillar uchun pasaytirilgan boj stavkalari amal qilib kelgan edi:

• 1000 sm³ gacha boʻlgan avtomobillar — 0 foiz;
• 1200 sm³ gacha boʻlgan avtomobillar — 5 foiz.

Ushbu imtiyozlar 2026 yil 1 yanvargacha amal qildi, ammo ularni uzaytirish boʻyicha qaror qabul qilinmadi.

Yangi boj stavkalari qanday?

2026 yil 1 yanvardan boshlab kam litrajli avtomobillar uchun quyidagi yangi bojxona bojlari qoʻllanilmoqda:

• 1000 sm³ gacha:
  • 15 foiz + har bir 1 sm³ uchun 0,4 AQSh dollari;
• 1200 sm³ gacha:

  • 15 foiz + har bir 1 sm³ uchun 0,6 AQSh dollari.

     

Bu qaysi avtomobillarga taʼsir qiladi?

Yangi tartib birinchi navbatda Honda Crider, Toyota Corolla, Suzuki Celerio, Hyundai i10 kabi kam yoqilgʻi sarflaydigan va nisbatan arzon segmentdagi avtomobillarni import qilish narxini oshiradi.

Natijada, kam litrajli mashinalarni olib kirish iqtisodiy jihatdan kamroq manfaatli boʻlishi, bozorda esa ularning narxi koʻtarilishi kutilmoqda.