Abbos Aroqchi Vladimir Putin bilan uchrashdi

Putin Rossiyaning Yaqin Sharqdagi mojaro sharoitida Eron va mintaqaning barcha xalqlari manfaatlariga xizmat qiladigan hamma ishni qilishga tayyorligini ma’lum qildi.

U Islom inqilobi rahbari Oyatulloh Sayid Ali Xomanaiydan xat olganini, unda rahbarga sog‘lik va farovonlik tilanganini qayd etdi.

O‘z navbatida, Aroqchi Moskvaga Tehronni qo‘llab-quvvatlagani uchun minnatdorchilik bildirdi. U ikki davlat o‘rtasidagi munosabatlarni yuqori baholab, ular yanada mustahkamlanishini ta’kidladi.

“So‘nggi voqealar strategik sherikligimizning naqadar chuqur va mustahkam ekanligini namoyon etdi. Munosabatlarimiz rivojlanib borar ekan, biz birdamlik uchun minnatdormiz va Rossiyaning diplomatiyaga oid sa’y-harakatlarni qo‘llab-quvvatlashini olqishlaymiz”, - dedi Aroqchi X platformasidagi sahifasida.

Aroqchi Eron xalqi jasorati bilan AQSHning bosqinchilik urushiga qarshilik ko‘rsatgani, og‘ir davrga bardosh bera olishi hamda buni butun dunyoga isbotlaganini aytdi. Va Qo‘shma Shtatlar agressiyasiga qarshi kurashni davom ettirishini qo‘shimcha qildi.

Aroqchi muzokaralar oldidan Rossiya bilan Yaqin Sharqdagi mojaroga barham berish borasidagi sa’y-harakatlarni muvofiqlashtirishni muhokama qilishini ma’lum qildi.

Avvalroq Abbos Aroqchining Ummonga tashrif buyurgani haqida xabar bergandik.