Peskov Zelenskiyning Qozogʻistonda uchrashish taklifiga munosabat bildirdi

Unga koʻra, Kiyev Moskva uchun “mutlaqo qabul qilib boʻlmaydigan” deb hisoblangan Avstriya va Shveysariyani taklif qilgan.

“Ular de-fakto endi neytral emas”, — deya taʼkidlagan Kreml vakili.

Peskovning qayd etishicha, Vladimir Putin sentabr boshida sammitni Moskvada oʻtkazishni taklif qilgan va Ukraina tomoniga barcha ish sharoitlari hamda xavfsizlik kafolatlanishini vaʼda qilgan. Biroq Zelenskiy bu variantni rad etib, janglar davom etar ekan, muzokaralar Rossiya poytaxtida oʻtkazilishi mumkin emasligini bildirgan.

Liderlar uchrashuvi masalasi xalqaro kun tartibida ham koʻtarilgan. AQSh prezidenti Donald Tramp muzokaralarni oʻtkazishni ochiqchasiga qoʻllab-quvvatlab, hatto oʻzining ishtirok etishi ehtimolini ham inkor etmagan. Shu bilan birga, Germaniya kansleri Fridrix Merts va Turkiya prezidenti Rajab Toyyib Erdoʻgʻan yaqin kelajakda ikki tomonlama sammit oʻtkazilishiga shubha bildirishgan.