Qirgʻiziston Tojikiston bilan 23 yillik muzokarasiga nuqta qoʻydi

Hujjatni 85 deputat maʼqullagan, ammo 1 nafar parlament aʼzosi unga qarshi ovoz bergan. Shartnoma 13 mart kuni Bishkekda Qirgʻiziston davlati rahbari Sadir Japarov va Tojikiston prezidenti Emomali Rahmon tomonidan imzolanilgan edi. 

Mazkur jarayonda Sadir Japarov ikki mamlakat oʻrtasidagi chegara nizolarini hal qilish butun mintaqa xavfsizligini mustahkamlashga hissa qoʻshishini aytgan boʻlsa, Emomali Rahmonning chegara shartnomasini imzolash "tarixiy qaror"ga aylanishini bildirib oʻtgan. 

Yigirma uch yildan beri davom etayotgan muzokalar 

Qirgʻiziston va Tojikiston oʻrtasidagi chegaraning uzunligi taxminan 980 kilometrni tashkil etadi. Uni delimitatsiya qilish boʻyicha muzokaralar (davlat chegarasini belgilash, uning oʻtishini tavsiflash va xaritaga tushirish) 2002 yil dekabr oyidan beri davom etib kelayotgan edi. 

Ushbu masalaning hal qilinmaganligiga bir necha bor ikki Respublikaning mahalliy aholisi va harbiy xizmatchilari tomonidan oʻqotar quroldan foydalanish bilan bogʻliq nizolar sabab boʻlgan. 2014 yildan beri Qirgʻiziston – Tojikiston chegarasida jami 10 dan ortiq jiddiy mojarolar yuz berdi. 

Qirgʻiziston Xitoy, Qozogʻiston, Oʻzbekiston va Tojikiston bilan chegaradosh. Aytish mumkinki, Tojikiston shu paytgacha Qirgʻiziston barcha chegara masalalarini hal qila olmagan soʻnggi qoʻshni davlat boʻlib qoldi. 

Tojikiston Qirgʻizistondan tashqari yana uchta davlat bilan umumiy davlat chegaralariga ega. Afgʻoniston bilan chegara chizigʻi eng uzuni boʻlib, u bilan chegara 1343 kilometrga choʻzilgan. Oʻzbekiston va Xitoy bilan mos ravishda 1330 km va 490 kilometrdan ortiq chegara uzunligi mavjud. 

Davlat chegarasini Oʻzbekiston bilan toʻliq delimitatsiya qilish 2019 yilda yakunlangan edi, hozirda tomonlar umumiy chegara chizigʻini demarkatsiya qilish boʻyicha ishlarni davom ettirmoqda.