Tojikistonning Nurek GESida avariya sodir boʻldi

Elektr uzilishi haqida dastlab poytaxt aholisi xabar bergan. Fuqarolar elektr quvvati yoʻqligidan tashqari, issiqlik oʻchirilib, ichimlik suvi taʼminoti uzilib qolayotgani, ayrim uyali aloqa operatorlari tomonidan aloqa va internet yoʻqligidan shikoyat qilishgan.

Poytaxt bilan deyarli bir vaqtda respublikaning bir qator viloyatlarida elektr energiyasi uzilgan. “Asia-Plus” ning xabar berishicha Soʻgʻd viloyatining Xoʻjand, Boʻston va boshqa tumanlarida elektr quvvati yoʻqligi haqida fuqarolar maʼlumot bergan.

Yirik shaharlar va viloyat markazlari orasida elektr energiyasi faqat Boxtar shahrida mavjud. Togʻli Badaxshonda ham elektr energiyasi bilan taʼminlangan, u mahalliy gidroelektr stansiyalardan elektr energiyasini oladi.

Shu bilan birga, “Asia-Plus”ning Nurek GESidagi manbasiga koʻra, elektr energiyasini yetkazib berishda muammolar ushbu stansiyadagi avariya tufayli yuzaga kelgan. Hozircha biz bu maʼlumotni rasman va boshqa manbalardan tasdiqlay olmadik.