Namanganda noqonuniy “hujra”lar tashkil qilgan shaxslar ushlandi

Namangan shahrida 1995 yilda tugʻilgan fuqaro oʻzi yashayotgan koʻp qavatli uyida 15 nafar shaxsga diniy taʼlim berib kelayotgani aniqlangan boʻlsa, 1974 yilda tugʻilgan ayol oʻz xonadonida 14 nafar voyaga yetmagan bolalarga har oydan 1,5 million soʻmga diniy saboq berib kelgan.

Yangi Namangan tumanida qayd etilgan holatda esa 1983 y.t. shaxs Mehnatobod mahallasidagi yashirin “hujra”da 10 nafar voyaga yetmagan qizlarga va 3 nafar fuqaroga diniy taʼlim berib kelgan.

Bundan tashqari, bunday qonunbuzarliklar Toʻraqoʻrgʻon va Namangan tumanlarida istiqomat qiluvchi 1975 va 1981 y.t. 2 nafar shaxs tomonidan ham sodir etilgan.

Rasmiy maʼlumotga koʻra, noqonuniy saboq bergan shaxslar va farzand tarbiyasi boʻyicha majburiyatlarini bajarmagan ota-onalarga nisbatan qonunchilikda belgilangan choralar koʻrilgan.