Радар орқали аниқланган ҳуқуқбузарликлар рўйхати белгиланди

Қонунга мувофиқ, махсус автоматлаштирилган фото ва видео қайд этиш техника воситалари орқали қайд этиладиган маъмурий ҳуқуқбузарликларнинг қатъий рўйхати тасдиқланди.

Энди қуйидаги маъмурий ҳуқуқбузарликлар фото ва видео қайд этиш воситалари орқали аниқланади, жумладан:

• хавфсизлик камаридан фойдаланиш қоидаларига риоя этмаслик;
• транспорт воситасини бошқариш вақтида телефондан фойдаланиш;
• белгиланган ҳаракат тезлигини соатига 20 кмдан кўп бўлмаган миқдорда ошириш;
• тўхташ ёки тўхтаб туриш қоидаларини бузиш ва бошқалар.

Шунингдек, мазкур ҳуқуқбузарликлар учун маъмурий жазо қўллаш муддатлари ҳам аниқ белгиланди.

Қонунга кўра, йўл ҳаракати қоидалари бузилгани фото ва видео қайд этиш техника воситалари орқали қайд этилганда, маъмурий жазо ҳуқуқбузарлик содир этилган кундан эътиборан 1 ойдан кечиктирмай қўлланади.

Маъмурий жавобгарликка тортиш тўғрисидаги қарор устидан шикоят қилинган тақдирда эса, жазо ҳуқуқбузарлик содир этилган кундан эътиборан 1 йил ичида қўлланилиши мумкин.