updated: 18.03.2026, 16:06

"Омонқўтон"да табиатга жами 1 млрд сўмдан ортиқ зарар етказилди

Аввалроқ Экология, атроф-муҳитни муҳофаза қилиш ва иқлим ўзгариши вазирлиги матбуот котибининг Telegram-каналида 2-3 август кунлари Самарқанд вилояти Ургут туманида жойлашган "Омонқўтон" миллий табиат боғига бир неча номаълум шахс болалар дам олиш оромгоҳи орқали ноқонуний тарзда кириб, махсус техникалар ёрдамида қазиш ишларини амалга оширгани ҳақида хабар берилган эди. Мазкур ҳолат вазирлик томонидан ўрганиб чиқилди.

Ўзбекистон

14.09.2024, 09:37

Lotinchada

Улашиш:

"Omonqoʻton"da tabiatga jami 1 mlrd soʻmdan ortiq zarar yetkazildi

Айтилишича, қонунбузарлар томонидан боғ ҳудудида техникалар ёрдамида текислаш, ковлаш ишлари олиб борилган. "Омонқўтон" миллий табиат боғига тегишли бўлган 869 метр квадрат майдонда "Тахти Қорача" довони билан боғловчи йўл ҳосил қилинганлиги маълум бўлган.

Бунинг оқибатида йўлда мавжуд бўлган 7 турдаги жами 64 туп дарахт ва буталарга зарар етказилган, шундан 27 туп дарахт ва буталар таг қисмидан кесилган ёки қўпориб олинган, қолган 37 туп дарахт ва буталар эса ўсишдан тўхтамайдиган даражада шикастланган. Ўсимлик дунёсига 67 млн 726 минг сўм миқдорда зарар етказилган.

Шунингдек, ҳудудда олиб борилган йўл солиш ишлари оқибатида жами 2296 метр квадрат ер майдонида мавжуд Қизил китобга киритилган, камайиб бораётган ва ноёб тур ҳисобланган 12 турдаги 2 минг 591 туп ўсимликлар пайҳон қилиниб, табиатга 1 млрд 48 млн сўм миқдорида зарар етказилган. Умумий ҳисобда табиатга етказилган зарар миқдори 1 млрд 115 млн сўмни ташкил этмоқда.

Бундан ташқари, хабарда ҳозирда иш юзасидан тўпланган ҳужжатлар тегишли чора кўриш мақсадида Бош прокуратурага юборилгани ҳам маълум қилинган.

Ўзбекистон

14.09.2024, 09:37

Улашиш:

#экология #Омонқўтон

мавзуга оид янгиликлар