Isroil Gʻazoni toʻliq bosib olish operatsiyasini boshladi

Isroil armiyasi matbuot kotibi Effi Defrin kechki matbuot anjumanida, Mudofaa vazirligi tomonidan Gʻazoni bosib olish rejasi tasdiqlangach, «Gideon arabalari 2» deb nomlangan operatsiyaga tayyorgarlik boshlanganini bildirdi.

Uning aytishicha, armiya sentabr oyi boshida xizmatga chaqiriladigan 60 ming nafar zaxiradagi askarga chaqiriq yuborgan, shuningdek 20 ming nafar zaxiradagi askarga xizmat muddatini uzaytirish buyrugʻi berilgan. Shu bilan birga, armiya Gʻazo atrofida joylashgan Zaytun tumanida hujumlar oʻtkazayotgani aytildi.

Defringa nisbatan Gʻazoda asir olingan isroilliklarning oilalari tomonidan «asirlarning hayoti xavf ostida qolmoqda» degan eʼiroz bildirilmoqda. U «asirlar oilalari bilan hamkorlikda ish olib borilmoqda va ular ustuvor ahamiyatga ega», deya taʼkidladi.

Gʻazoga 10 mingdan ortiq hujum

Armiyaning ikkinchi bayonotiga koʻra, 18 mart kuni tuzilgan oʻq ochishni toʻxtatish kelishuvini buzgan holda, Isroil Gʻazoga havodan va dengizdan 10 mingdan ziyod zarba bergan.

Isroil armiyasi Gʻazo sektori hududining taxminan 75 foizini bosib olganini bildirdi. Bu hududda 2 milliondan ziyod aholi yashaydi va ular genotsidga uchragani aytilmoqda.

Isroilning maʼlumotiga koʻra, 18 martdan buyon Gʻazoda taxminan 2 ming HAMAS aʼzosi oʻldirilgan, operatsiyalarda beshta rota bir vaqtning oʻzida ishtirok etgan.

Armiya maʼlumotida 18 martdan buyon dunyoda eng zich aholi yashaydigan hududda falastinliklar majburiy ravishda dengiz boʻyi hududining 25 foiziga koʻchirilgani koʻrsatilgan.

20 fevralda mudofaa vaziri hujum rejasini maʼqulladi

Isroil mudofaa vaziri Isroil Kats 20 fevral kuni bosh shtab raisi Eyal Zamir taqdim etgan Gʻazoga bosqin rejasini maʼqulladi.

Gʻazo shahriga qilingan hujum operatsiyasi «Gideonning jang arabalari II» deb nomlandi.

Isroil Gʻazoga bosqin kiritish haqida qaror qabul qildi

8 avgust kuni Isroil xavfsizlik kabineti Gʻazo shahriga bosqin rejasini maʼqulladi.

Yigʻilishdan oldin Bosh vazir Binyamin Netanyahu: «Biz Gʻazo sektori hududining barchasini egallab olishni maqsad qilganmiz», — dedi.

Isroil matbuoti xabar berishicha, armiya qolgan hududni ham bosib olish buyrugʻini olgan, biroq bu qadam sentabrgacha amalga oshirilmasligi mumkin.

Rejaga koʻra, birinchi bosqichda taxminan bir million falastinlik janubga koʻchiriladi, shahar qorshovga olinib, qattiq hujumlardan soʻng bosib olinadi.

Ikkinchi bosqichda esa markaziy Gʻazoda joylashgan qochqinlar lagerlari bosib olinadi, oʻsha paytga kelib hududning katta qismi vayron boʻlishi kutilayapti.

Isroil 1967 yildan 2005 yilgacha 38 yil davomida Gʻazo sektorida ishgʻolchi kuch sifatida boʻlgan. Hozirda esa taxminan 2,3 million aholi yashaydigan Gʻazo sektori 18 yildan buyon qattiq qamal holatida.