Oʻzbekiston Islom birdamligi oʻyinlarini 96 ta medal bilan ikkinchi oʻrinda yakunladi

Musobaqada Turkiya 72 ta oltin 44 ta kumush va 39 ta bronza medali (jami 155) bilan umumjamoa hisobida birinchi oʻrinni egalladi. Oʻzbekiston bilan bir xil oltin jamgʻargan Eron 81 ta medal (29−19−33) natijasi bilan uchinchi oʻrindan joy oldi.

Kuchli oʻntalikda Saudiya Arabistoni (18 ta oltin) Misr (17) Bahrayn (16) Qozogʻiston (15) Nigeriya (11) Marokash (10) va Ozarbayjon (9) ham oʻrin oldi.

Markaziy Osiyo mamlakatlari orasida Qirgʻiziston 19 ta medal (4−4−11) bilan 14-oʻrin Afgʻoniston 3 ta medal (1−1−1) bilan 26-oʻrin Tojikiston esa 6 ta medal (0−3−3) bilan 28-oʻrinda qayd etildi.

Oʻzbekiston Milliy olimpiya qoʻmitasi natijalar yuzasidan qilgan bayonotida «atletlarimiz tomonidan qoʻlga kiritilgan ushbu muvaffaqiyat mamlakatimizning Islom birdamligi sport assotsiatsiyasiga aʼzo davlatlar orasida yirik sport derjavalaridan biri ekanini yana bir bor namoyon etdi», deya taʼkidladi.

Eslatib oʻtamiz, Oʻzbekiston 2022 yilda Turkiyaning Konya shahrida oʻtgan V Islom birdamligi oʻyinlarida ham Turkiyadan keyin ikkinchi oʻrinni egallagandi. Oʻshanda milliy delegatsiya 51 ta oltin 42 ta kumush va 65 ta bronza jami 158 ta medal qoʻlga kiritgan.