Jahon banki Oʻzbekistonda elektr tarmoqlarini modernizatsiya qilish uchun 100 mln AQSh dollar kredit ajratdi

Maʼlum boʻlishicha, dasturni amalga oshirish uchun "Hhududiy elektr tarmoqlari" AJ (HET AJ) oʻz hisobidan qoʻshimcha 50 million AQSh  dollar ajratadi. 

Jahon bankiga koʻra, Oʻzbekistonning energetika sektori katta tijorat yoʻqotishlari, shu jumladan koʻrsatilgan xizmatlar uchun qarzlar tufayli norentabel boʻlib qolmoqda. Bu davlat byudjetiga jiddiy bosim oʻtkazmoqda. 

Moliyaviy barqarorlikni oshirish uchun taqsimot tizimining operatsion va moliyaviy modellari isloh qilinmoqda. Bundan maqsad – rentabellikni oshirish va energiya tarmoqlari infratuzilmasini rivojlantirishga xususiy investitsiyalarni jalb qilish.

"Jahon banki tomonidan taqdim etilayotgan moliyalashtirish 2030 yilgacha Oʻzbekistonning taqsimlash infratuzilmasini modernizatsiya qilish va kengaytirish boʻyicha davlat dasturini amalga oshirishga hissa qoʻshish imkonini beradi. Hisob-kitoblarga koʻra, davlat dasturi doirasida jalb etilishi lozim boʻlgan investitsiyalarning umumiy hajmi qariyb 3 milliard dollarni tashkil etadi. 

Umid qilamizki, mamlakatning boshqa xalqaro hamkorlari va xususiy investorlar ham bizdan oʻrnak olib, “Hududiy elektr tarmoqlari” AJning energetika tarmogʻini rivojlantirish borasidagi saʼy-harakatlarini qoʻllab-quvvatlaydilar", degan Jahon bankining Markaziy Osiyo boʻyicha direktori Tatyana Proskuryakova.

Jahon banki va "Hududiy tarmoqlar" AJ birgalikda 150 million AQSh dollarlik dastur doirasida quyidagi ishlabajarilishihi kerak:

— 6 000 km uzunlikdagi past kuchlanishli elektr uzatish tarmoqlarini qurish va modernizatsiya qilish; 

— umumiy quvvati 250 megavolt-amper (MVA) boʻlgan 1 200 ta taqsimlash transformatorini almashtirish va oʻrnatish; 

— "HET" AJ tarmoqlarida elektr energiyasining tijorat yoʻqotishlarini kamaytirishga yordam beradigan 150 000 ta “aqlli” hisoblagichlarni ulash; 

— taqsimlash tarmoqlari faoliyatini avtomatlashtirish va raqamlashtirishni taʼminlash uchun 4 000 ta maʼlumotlar konsentratorini oʻrnatish, bu ularni zamonaviy va samarali tizimga aylantiradi.