Bolalarning haqoratlanishi va oʻldirilishiga kim aybdor?

Soʻngi vaqtlarda Oʻzbekistonda ham bola huquqlarining buzilishiga, baʼzi holatlarda ularning vafot etish holatlari kuzatilmoqda.

Ijtimoiy himoya milliy agentligi boshqarma boshligʻi oʻrinbosari Laylo Fayzimurodova hamda advokat ozod Joʻraboyev bilan mazkur masalalarning yuzaga kelish sabablari va bartaraf qilish yoʻllari haqida intervyu tashkillashtirdik.

Laylo Fayzimurodovaga koʻra, oxirgi vaqtlardagi bola huquqlarining buzilishi boʻyicha holatlar xususiy maktabgacha taʼlim muassasalarida sodir boʻlmoqda. Oʻzbekiston hukumati har 5 yilda xalqaro tashkilotlarga hisobot taqdim etadi. Soʻngra ushbu xalqaro tashkilotlar yaʼni UNICEF va boshqa yodida mamlakatda bolalar huquqlarini yaxshilash boʻyicha tavsiyalar beradi.

Uning aytishicha, Oʻzbekiston hozirda mazkur tavsiyalarning barchasini bajarib kelmoqda.

Fayzimurodovaning fikricha ijtimoiy tarmoqlarda tarqalayotgan xabarlar va videolavhalar bu ijobiy holat. Yaʼni bu yerda aholining mazkur holatlardan xabardorligini oshirishga xizmat qiladi.

Advakat Ozod Joʻraboyevning aytishicha, Oʻzbekistonda bolala huquqlarini taʼminlash uchun Bolalar ombudsmaniga eʼtibor berilishi kerak. Uning vazifasi faqat sudlarda ishtirok etib, tinglab turish emas, bolalarni huquqiy va boshqa tomondan himoya qilish. Ammo bu vazifani hozir ombudsman emas, agentlik bajarmoqda. Ombudsman oʻz vazifasini bajarmayapti.

Advokat buning uchun Bolalar Ombudsmaniga kurakli imkoniyatlar yaratib berish, uning faoliyatini kengaytirishni taklif qilmoqda.