Xitoy Tayvan atrofida harbiy mashgʻulotlar boshladi

Xitoy hukumati bu mashgʻulotni Xitoy xalq ozodlik armiyasining sharqiy qoʻmondonligining “Strait Thunder 2025A” mashgʻulotlarining bir qismi ekanligini maʼlum qildi.  

Nashrning yozishicha,  Xitoy harbiylari Tayvan atrofida oʻtkazilgan harbiy mashgʻulotlarda “Shandun” samolyot tashuvchisi ishchi guruhi Tayvan sharqidagi quruqlik va dengiz nishonlariga zarba berish uchun ishlatgan.

Xitoy harbiylar bayonotiga koʻra, mashgʻulotlar kema va samolyotlarni muvofiqlashtirish, hududning havo ustunligini qoʻlga kiritish, quruqlikdagi va dengizdagi nishonlarga zarba berishni oʻz ichiga olgan.

Sharqiy teatr qoʻmondonligi matbuot kotibi, katta polkovnik Shi Yi " Strait Thunder 2025A" harbiy mashqlari Tayvan boʻgʻozining markaziy va janubiy qismlarida oʻtkazilganini hamda "tekshirish va aniqlash, ogohlantirish va haydab chiqarish, toʻsib olish va qoʻlga olish kabi vazifalarni bajarish"ga qaratilganini maʼlum qildi.

Shuningdek, harbiy vakillar mashgʻulotlar port va energetika inshootlariga aniq zarba berishni mashq qilishga moʻljallangani haqida xabar berdi, biroq aniq joylashuv toʻgʻrisida tafsilotlar keltirmagan.

Ushbu mashqlar AQSh mudofaa vaziri Pit Xegsetning Osiyo boʻylab davom etayotgan safari vaqtida oʻtkazilmoqda. Xegset safar davomida koʻplab mamlakatlarga tashrif buyurib, Xitoyning bunday harakatlarini tanqid qilmoqda hamda Xitoyning Tayvanga tahdidiga qarshi turishning Vashington uchun asosiy ustuvor vazifa ekanligini taʼkidladi.

Maʼlumot uchun, Tayvanni  hududida Xitoy soʻnggi yillarda orol atrofida koʻplab mashgʻulotlar oʻtkazdi. Pekin oʻtgan yili saylangan janob Layga qarshi ritorikasini kuchaytirib, uni suverenitetga intilayotgani uchun "separatchi" deb qoraladi.

Kutilmagan harbiy mashgʻulotlarni hisobga olib, Xitoyning Dengiz xavfsizligi boshqarmasi Tayvandan 500 km uzoqlikdagi sharqiy Chjejiang provinsiyasining shimoliy qismidagi yuk tashish zonasini payshanbaga oʻtar kechasi yopilishini eʼlon qildi.

Tayvan mudofaa vazirligi chorshanba kungi soʻnggi yangilanishida soʻnggi 24 soat ichida Xitoyning 76 samolyoti va 15 ta harbiy kemasi Tayvan atrofida harakat qilganini aytdi.