Yangi Toshkentda 55 ming oʻrinli zamonaviy stadion quriladi

Maʼlumot uchun, soʻnggi besh yil ichida respublikada futbol infratuzilmasi sezilarli darajada yangilandi. Hududlarda 75 ta katta va 302 ta mini stadion faoliyat yuritmoqda. 1,5 mingta maktab stadioni taʼmirlanib, 1 milliondan ortiq yoshlar sport bilan shugʻullanish imkoniga ega boʻldi.

Shuningdek, mahalliy musobaqalarda ajralib chiqqan iqtidorli futbolchilar toʻgʻridan-toʻgʻri futbol maktablariga qabul qilinmoqda.

Bugungi kunda dunyo boʻylab nufuzli klublarda toʻp surayotgan 20 nafar oʻzbekistonlik futbolchining umumiy transfer qiymati 60 million dollardan oshgan.

Shu bilan birga, 2027 yilda 20 yoshgacha boʻlganlar oʻrtasidagi Jahon chempionati Oʻzbekiston va Ozarbayjonda oʻtkaziladi. Musobaqa har ikki mamlakatda 3 tadan stadionda boʻlib oʻtib, final bahslari 50 mingdan ortiq oʻrinli arenalarda oʻtkaziladi.

Stadion FIFA talablariga toʻliq javob berib, Osiyodagi eng yirik futbol arenalaridan biriga aylanadi.