updated: 22.03.2026, 18:18

Германия Суриядаги янги ҳокимиятга 8 миллион евро бермоқчи

Кеча, 11 декабрь куни Германия Ташқи ишлар вазирлиги Башар Асад режими ағдарилганидан сўнг Сурияни қўллаб-қувватлашга қаратилган саккиз бандли режасини тақдим этди. Бу ҳақда "Deutsche Welle" нашри хабар берди.

Жаҳон

12.12.2024, 17:38

Lotinchada

Улашиш:

Germaniya Suriyadagi yangi hokimiyatga 8 million yevro bermoqchi

Ташқи ишлар вазири Анналена Бербокга кўра, бундан асосий мақсад Сурияга келган янги ҳокимиятнинг тинч йўл билан ҳукуматни қўлга олиши бўлиб, бундан воқеларни чет эл аралашувисиз, яъни Туркия ёки Исроил иштирокисиз амалга ошилишидан иборат.

Бундан ташқари, Анналена Бербок "Ҳайъат Таҳрир аш-Шом" гуруҳи суриялик аёлларнинг этник ва диний ҳуқуқларини ҳурмат қилиш лозимлигини таъкидлаган.

"Германия ҳали бу гуруҳ билан расман тўғридан-тўғри алоқага эга эмас, аммо “Ал-Қоида билан” муносабатлари бор. Биз "Ҳайъат Таҳрир аш-Шом"ни уларнинг қилаётган ҳаракатига қараб баҳолаймиз", деган вазир.

Шунингдек, у Сурияга 8 миллион евролик шошилинч инсонпарварлик ёрдамини жўнатишини таъкидлаб, мухолифатчиларни Сурияни қайта тиклашга ва мамлакатдаги инқирозни тезроқ енгишга чақирган.

Бундан ташқари, Германия Суриядаги янги ҳукуматдан Асад режимининг жиноятларининг қонуний равишда текширилиши ва масъулларнинг жазоланишини талаб қилган. Германия Башар Асаднинг кимёвий қуролларини халқаро назоратга олиниши ва бу қуролларни ишлатилишини тақиқлаш кераклигини маълум қилган.

Режанинг сўнгги қисми Германия ва Сурия орасидаги алоқаларни сақлаб қолиш ва ривожлантиришга тегишли эканлиги айтилади. Шу мақсадда Германияда Сурия бўйича координатор лавозими жорий этилмоқда. Бу лавозимга мамлакат миллий парламенти аъзоси Тобиас Линднернинг "Яшиллар" партиясидан номзоди олинади.

Жаҳон

12.12.2024, 17:38

Улашиш:

#Германия #Сурия

мавзуга оид янгиликлар