Сирдарё вилоятида Иқтисодий жиноятларга қарши курашиш департаменти ходимлари пора олаётганда ушланди

Тергов маълумотларига кўра, қўлга олинганлар тўртта компаниянинг норасмий раҳбарига нисбатан Жиноят кодексининг 184-моддаси (солиқ тўлашдан бўйин товлаш) бўйича қўзғатилган ишни ҳал этишда ёрдам беришни ваъда қилган. Шунингдек, Сирдарё вилояти давлат солиқ хизмати бошқармаси томонидан ўтказилган икки корхонадаги солиқ текширувлари натижаларини ҳақиқий эмас деб топишга ваъда қилишган.

Аниқланишича, ходимлар олдинроқ иш бўйича аниқланган зарар миқдорини камайтириш учун 108 минг АҚШ доллари олган. Улар яна 25 минг доллар олаётганда қўлга олинди.

Уларга нисбатан Жиноят кодексининг 168-моддаси 4-қисми «а» банди (жуда катта миқдордаги фирибгарлик) ва 211-моддаси 3-қисми «а» банди (жуда катта миқдорда пора олиш) бўйича жиноят иши қўзғатилди. Икки нафари ҳам қамоққа олинган, тергов давом этмоқда.