Oʻzbekistonda universitetga kirishda B1 darajali sertifikat ham imtiyoz beradi

Bu haqda Adliya vazirligi maʼlum qildi.

Qarorga koʻra, fanlar majmuasida chet tili birinchi fan sifatida belgilangan yoʻnalishlarda qabul xorijiy tilni bilish boʻyicha kamida B1 darajali sertifikat asosida amalga oshiriladi.

Qabul jarayonida:

• B1 darajali sertifikatga ega abituriyentlarga mazkur fan boʻyicha maksimal ballning 75 foizi beriladi;
• B2 va undan yuqori darajali sertifikatga ega abituriyentlarga esa maksimal ball beriladi.

Avval bu yoʻnalishlarga qabul qilish uchun kamida B2 darajali sertifikat talab etilar edi.

Maʼlumot uchun, Oʻzbekistonda ayrim toifadagi talabalarning yotoqxona xarajatlarini davlat tomonidan qoplab berish, shuningdek, musiqa va jismoniy tarbiya oʻqituvchilariga sertifikat berish tartibi ham joriy etilgan.