Turkiya AQSh va Rossiyani Istanbul aeroportida sammit oʻtkazishga chaqirdi

Nashrning qayd etishicha, Rossiya AQSh prezidenti Donald Trampni 22 avgust kuni boʻlishi mumkin boʻlgan uchrashuvda qabul qilishga tayyor, biroq Ukraina davlati rahbari Vladimir Zelenskiy Moskvaga borishdan bosh tortadi va u yerda uning tashrifi mamnuniyat bilan qabul qilinmayapti. Nashr muallifiga koʻra, Turkiya bunday sammitga mezbonlik qilishi mumkin boʻlgan yagona davlat, Otaturk aeroporti esa buning uchun eng qulay joy.

“Aeroportning hozirda foydalanilayotgan VIP zali va matbuot anjumani zali sammitni oʻtkazish talablariga javob beradi”, — deb yozadi “Milliyet”.

Nashr shuningdek, aeroport eng qisqa vaqt ichida zarur xavfsizlik choralarini koʻrishga toʻliq tayyor ekanligini taʼkidlaydi. Bu yerda havo hujumidan mudofaa tizimlari tezda joylashtirilishi mumkin, sammitni oʻtkazish uchun bino samolyotlardan atigi 100 qadam masofada joylashgan va aeroportning oʻzi dengizdan himoyalanish imkoniyati bilan yopiq hududdir.

“Milliyet” ning eslatishicha, Turkiya prezidenti Rajab Toyyib Erdoʻgʻon barcha tomonlar – Rossiya, AQSh va Ukraina bilan faol aloqalarni davom ettirmoqda va bundan avval yetakchilarning uch tomonlama sammitiga mezbonlik qilishga tayyorligini bildirgan.